قــلب اللــوز أو الشامية

تاريخ الميلاد : 13/05/1991

نصائح
أولا السميد مهم جدا لنجاح القلب اللوز لازم ولازم يكون من نوع الخشن [ندعوك للتسجيل في المنتدى أو التعريف بنفسك لمعاينة هذه الصورة]
ثانيا الكيلة لازم تكون مضبوطة وماتنقصي حتى حاجة خصوصا كيلة السميد لازم تكون كاملة مكملة [ندعوك للتسجيل في المنتدى أو التعريف بنفسك لمعاينة هذه الصورة]
ثالثا الصينية قبل ماتبداي تخدمي لازم تلقاي الصينية المناسبة وهذا مهم جدا
وهذا حسب الكيلة الي خترتي تعبري بيها..تفرغي الكيلة تع السميد (6 كيلات )وتشوفي هل السمك مناسب ولا لالا يعني مالزمش يكون سمك رقييق هدا يعني انو الصينية كبيرة ولازملها كيلة كبيرة ومالزمش يكون السمك خشين بزاف [ندعوك للتسجيل في المنتدى أو التعريف بنفسك لمعاينة هذه الصورة]
انا حسب الصينية تاعي هادي هي الكيلة الي عبرت بيها
[ندعوك للتسجيل في المنتدى أو التعريف بنفسك لمعاينة هذه الصورة]

مقادير قلب اللوز
6 كيلات سميد خشن
3 كيلات سكر
كيلة زيت
كيلة لبن
مغرفة صغيرة خمارة كيميائية
رشة ملح
1/2 كاس تاي ماء الزهر

مقادير السيرو او الشاربات
6 كيلات ماء +3 كيلات سكر +مغرفة عصير ليمون +فنجان ماء الزهر
لما تبدا تغلي الشاربات على نار متوسطة تحشبي حوالي 12د الى 15 هي العادة تقول 10د انا شفت بلي جاتني خفيفة بزاف وليت نزيدلها المدة شوية ...ولما طفي عليها تضيفيلها فنجان الماء زهر

طريقة التحضير
أولا تحطي السميد +سكر وتخلطي ثم الزيت+لبن +الملح+خمارة وتخلطي غير بالأصابع ماتعجنيهش
[ندعوك للتسجيل في المنتدى أو التعريف بنفسك لمعاينة هذه الصورة]

حتى تتحصلي على هاد الخليط

[ندعوك للتسجيل في المنتدى أو التعريف بنفسك لمعاينة هذه الصورة]

ثم تبداي ترشي بماء الزهر وتحكي حتى لما تعملي كرة بيدك تبقى شادة روحها كيما فالصورة انا هنا جاتني
1/2 كاس تاي ماء الزهر

[ندعوك للتسجيل في المنتدى أو التعريف بنفسك لمعاينة هذه الصورة]

ثم تغطي الخليط وتخليه يريح 1/2 ساعة
ممبعد تدهني الصينية بالزبدة وتفرغي الخليط تاعك بمعني تفرشيه فقط غير بالاصابع ماتضغطيش عليه ابدا كيما فالصورة
[ندعوك للتسجيل في المنتدى أو التعريف بنفسك لمعاينة هذه الصورة]

ثم بظهر ملعقة تسوي السطح بدون ضغط تسويه فقط [ندعوك للتسجيل في المنتدى أو التعريف بنفسك لمعاينة هذه الصورة]

ثم بالسكين تعملي خطوط غير من الفوق ماتهبطيش السكين للتحت ورشقي لوز ولا كوكاو وخليه 10 د يريح

[ندعوك للتسجيل في المنتدى أو التعريف بنفسك لمعاينة هذه الصورة]

بالنسبة للطياب
تشعلي الفرن 200د كي يسخن دخلي الصينية وتنقصي 180 د ممبعد حطي قطع زبدة من فوق باش مايجيكش يابس من الفوق
خليه يطيب ملييح من التحت حتى يحمارو الأطراف مليح انا خدالي وقت تقريبا ساعة الا ربع يعني 45د وهدا تاني حسب الصينية انا تاعي ثقيلة شوي ثم طفي من التحت وتشعلي الفوق حتى يحمار ملييييح مليييح او بالاصح حتى يكحال شوي هههه
غير تخرجيها من الفرن وتكون الشاربات باردة اسقي الصينية استعملي الغراف وماتفرغيهاش مرة واحدة يعني على دفعات فرغي الدفعة الاولى لما تشربها زيدي الدفعة الثانية...الخ وممكن ماتسحقيش كامل شاربات انا دايما نخلي واحد الغراف ...تغطيها بصينية اكبر منها وتخلي فتحة للتهوية وترجعيها للفرن وهو سخووون وتخليها يعني اطول فترة ممكنة 6 ساعات
وهدا هو الشكل النهائي صدقوني احسن ملي تتباع

[ندعوك للتسجيل في المنتدى أو التعريف بنفسك لمعاينة هذه الصورة]

هكدا توفرو المصروف هه وتخدمو حاجة نقية فالدار و أهم حاجة تفرحو العايلة
حتى ولو مانجحلكش المرة الاولى عاودي لانو دائما من الأخطاء تتعلمي [ندعوك للتسجيل في المنتدى أو التعريف بنفسك لمعاينة هذه الصورة]

الوصفة منقوووووووووووووووولة

توقيع ريحة الجزائر